- Хат жазыңыз:Email: ko_kazguu@mail.ru
- Мекен-жай:Қызылорда қаласы, Қонаев 17
- Телефон:+7 (7242) 277527
“ORDA” жоғары колледжінде құқықтық сауаттылықты арттыру мақсатында жоғары курстар арасында ақпараттық-түсіндірме жұмысы жүргізілді.
Іс-шараға Қызылорда қалалық полиция басқармасынан екі қызметкер қатысты: аға жедел уәкіл, полиция майоры Құрманбаев Олжас және ювеналды полиция инспекторы, полиция майоры Мамбеталиев Азамат Алтынбекұлы. Бұл түсіндірме жұмысының негізгі мақсаты - студенттерді заңға қатысты маңызды ақпаратпен қамтамасыз ету, құқықтық жауапкершілік, құқық бұзушылықтың салдары туралы тереңірек түсінік беру, және қоғамдағы тәртіпті сақтау қажеттігін түсіндіру болды.
Құқық қорғау органдарының өкілдері студенттерге Қазақстан Республикасының заңдарына сәйкес жастар арасындағы құқық бұзушылықтың алдын алу шаралары туралы мәліметтер берді. Студенттерге құқықтық жауапкершілік тек заңды талаптарды сақтау ғана емес, сонымен бірге қоғамның әрбір мүшесінің әлеуметтік өмірде белсенді қатысуы арқылы тәртіп пен әділдікті қамтамасыз ету екендігі түсіндірілді. Сонымен қатар, құқықтық ақпараттандырылған жастардың қоғамдағы рөлінің маңызды екені атап өтілді.
Сала мамандары қатысушыларға түрлі мысалдар келтіріп, құқық бұзушылықтың болашаққа әсерін ашық түрде талқылады. Олар кәмелетке толмағандар арасындағы құқық бұзушылықтың алдын алу бойынша кешенді шаралар туралы ақпарат беріп, жастарды құқықтық мәдениетті қалыптастыруға және өз құқықтарын құрметтеуге шақырды.
Іс-шара соңында студенттер полиция қызметкерлеріне сұрақтар қойып, құқықтық мәселелерге қатысты пікір алмасты. Түсіндірме жұмысының маңыздылығы студенттердің құқықтық білімін арттырумен қатар, олардың құқықтық мәдениетін қалыптастыруға ықпал ететіндігімен ерекшеленді.
Осындай ақпараттық-түсіндірме жұмыстары жастардың құқықтық сауаттылығын арттыру арқылы қоғамда құқық бұзушылықтың алдын алу мен қоғамдық тәртіпті нығайтуда маңызды рөл атқарады.
"ORDA" жоғары колледжі