Тәрбие сағатының мақсаты – білім алушыларға зорлық-зомбылықтың қандай үлкен қауіп-қатер әкелетінін түсіндіру, оның адам жаны мен тәніне тигізетін зардаптарын көрсету. Сонымен қатар, елімізде зорлық-зомбылыққа қарсы заңдардың бар екенін айтып, жастарды өз айналаларында мейірімді болуға, бұзақылық әрекеттерден аулақ болуға және адами құндылықтарды сақтауға тәрбиелеу.

Сабақ барысында төмендегі тақырыптар талқыланды:

Эмоциялық зорлық: Бұл зорлық түрі адамның рухани жағдайына әсер етеді. Ол балағаттау, қорлау, кемсіту және жеке өмірге қол сұғу арқылы көрініс табады.

Физикалық зорлық: Отбасы мүшелеріне, әсіресе әйелдер мен балаларға қол жұмсау, оларды ұрып-соғу сияқты әрекеттер эмоциялық зорлықпен қатар жүреді.

Қауіп-қатер: Күш көрсету немесе психологиялық қысым жасау арқылы отбасы мүшелерін қорқыту. Мысалы, «отбасын тастап кетемін» деп қорқыту, балаларға қатысты қауіп төндіру немесе өз-өзіне қол жұмсауға итермелеу.

Балаларды пайдалану: Кейде зорлық-зомбылық көрсетушілер балаларды анасына қарсы пайдаланып, олар арқылы қысым жасауға тырысады. Бұл да психологиялық зорлықтың бір түрі.

Түсіндірмеден соң студенттер өз пікірлерімен бөлісіп, қоғамдағы зорлық-зомбылықтың түбегейлі мәселелерін талдады.

Сабақ соңында сауалнама алынып, білім алушылардың зорлық-зомбылыққа деген көзқарастары мен оның алдын алу шаралары туралы пікірлері тыңдалды.

Топ жетекшісі: Кемелбеков Мұрат Есенбаевич