Арнайы пән оқытушысы А.С. Әбділақатова АК-9-12г оқу тобында “Автокөлік кәсіпорындары мен автомобильдерге техникалық қызмет көрсету станцияларының өндірістік аймақтары мен учаскелерін жобалау” пәнінен “Автомобильдерге техникалық қызмет көрсету және жөндейтін өндірісті басқару” тақырыбында ашық сабақ өткізді.
Сабақ барысында студенттер:
✔️ Өндірісті басқару құрылымын үйренді;
✔️ Автомобильдерге техникалық қызмет көрсету станцияларын жобалау нормаларын меңгерді;
✔️ Қызмет көрсету станцияларының жіктелуін зерттеді;
✔️ Технологиялық есеп жүргізуді үйреніп, өндірістік бөлімшелердің жұмысын ұйымдастыру кезіндегі шығындарды есептеу әдістерімен танысты.
Сабақта автокөлік кәсіпорындарының негізгі қызметтері жан-жақты талқыланып, әртүрлі әдіс-тәсілдер қолданылды. Жаңа сабақ студенттердің қызығушылығын арттыру үшін интерактивті және шығармашылық тәсілдер арқылы ашыла түсті.
Бұл ашық сабақ студенттер үшін пайдалы білім мен дағдыларды беріп, олардың болашақ мамандықтарына қажетті білімдерін тереңдетті.