5 қараша күні «Буллингтен қорғану» бағдарламасы аясында Т-9-12г тобының жетекшісі Тағайбек Аида «Табыстың күмәнді түрлері» тақырыбында жасөспірімдерге арналған қауіпсіздік сағатын өткізді. Сабақтың басты мақсаты – оқушыларды күмәнді табыс көздері туралы ақпараттандыру және алаяқтардың тұзағына түспеуге үйрету.

Аида Тағайбекқызы күмәнді табыс көздерінің түрлерін атап, олардың жасөспірімдерге әкелетін қауіптері туралы түсіндірді. Сабақ барысында мынадай тақырыптар қозғалды:

Интернеттегі жалған лотереялар мен тегін ұтыстар – көбінесе жәбірленушілерді алдап, жеке деректерді алуға бағытталған схемалар.

Алаяқтық және жалған қызметтер – жалған ақпарат тарату арқылы адамдарды алдау.

Инвестицияның жалған схемалары – тез және оңай табыс табуға шақыратын, бірақ шығынға батыратын жобалар.

Жабық каналдарда жарияланатын күмәнді жұмыстар – заңсыз және күмәнді сипаттағы қызметтер.

Алынған ақпараттар нәтижесінде оқушылар өздерін алаяқтардан қалай қорғауға болатынын және интернетте қауіпсіз болу ережелерін талқылады.

P.S: Болашаққа қауіпсіз қадам жасау үшін күмәнді табыстардан сақтанайық!