2026 жылғы 16–28 ақпан аралығында академиялық ұтқырлық шеңберінде Халықаралық «ORDA» жоғары колледжінің білім алушылары мен оқытушылары Қырғыз Республикасындағы Т.Эрматов атындагы Бішкек музыкалык-педагогикалык институту базасында тағылымдамадан өтуде.

Тағылымдама 4S01140605 – Шетел тілі мұғалімі,

4S01140101 – Бастауыш білім беру мұғалімі,

4S01140601 – Қазақ тілі мен әдебиеті мұғалімі

білім беру бағдарламалары бойынша ұйымдастырылып отыр.

Бағдарламаға аталған оқу топтарының студенттерімен қатар жетекшілік етуші оқытушылар:

– Алибаева Айгүл Ерғазыевна – Халықаралық «ORDA» жоғары колледжінің арнайы пән оқытушысы, Қорқыт ата атындағы Қызылорда университеті докторанты;

– Орынбасар Тұрсынай Орынбасарқызы – Халықаралық «ORDA» жоғары колледжінің арнайы пән оқытушысы, Қорқыт ата атындағы Қызылорда университетінің докторанты қатысуда.

Тағылымдаманың негізгі бағыты – болашақ педагог мамандардың кәсіби даярлығын жетілдіру, заманауи педагогикалық технологияларды меңгеру, халықаралық білім беру тәжірибесін зерделеу және ғылыми-әдістемелік әлеуетін арттыру.

Тағылымдама барысында қатысушылар:

институттың материалдық-техникалық және оқу-әдістемелік базасымен танысуда;

тәжірибелік сабақтарға қатысып, кәсіби дағдыларын жетілдіруде;

халықаралық білім беру бағдарламаларының мазмұнын талдауда;

ғылыми-практикалық бағыттағы өзара ынтымақтастық мүмкіндіктерін қарастыруда.

Бұл тәжірибе Халықаралық «ORDA» жоғары колледжінің білім беру сапасын арттыруға, академиялық әріптестікті дамытуға және болашақ педагог кадрларды даярлаудағы жүйелі қадамдарының бір көрінісі болып табылады.